Featured Slider

Best Urdu تحریر - Achi Tehreer In Urdu

Best Urdu تحریر - Achi Tehreer In Urdu, Urdu Beautiful Tehreer, 

لاش
"یہ لاش۔۔۔ یہ لاش نہیں ہے۔۔ یہ میری جان کا ٹکڑا ہے، جسے آج یوں بے جان پڑا دیکھ کر میری اپنی جان جا رہی ہے" ہمارے ہاسٹل انچارج نوید بھائی کی شادی میں بھابھی کو جہیز میں ملنے والی استری خراب ہوئی تو وہ کچھ زیادہ ہی اوور ری ایکٹ کرنا شروع ہو گئے۔
زوہیب بھائی کھڑے یہ سب کچھ دیکھ رہے تھے اور غصے میں آ کر نوید بھائی سے کہنے لگے " ناں استری دی اگر اتنی ڈُکھ لگی پی اے وے تاں تُساں کوں وی اِیندے کھٹے دفنا ڈِیوں" ۔
یہ تو شکر ہے نوید بھائی کو سرائیکی سمجھ نہیں آتی تھی تو زوہیب بھائی گھر کے بعد ہاسٹل سے بھی نکالے جانے سے بچ گئے ۔ ہمارے ہاسٹل کی اکلوتی استری خراب ہونے کے بعد اب سب سے بڑا مسئلہ استری کا تھا کیونکہ کوئی بعید نہیں تھا اگر دھوبی سے کپڑے استری کراتے تو آخری سانسوں کی طرح چلتا ہمارے مہینے کا بجٹ ہمیں تہہ و بالا کر دیتا۔
ہاسٹل میں چند لڑکے جن کے پاس استری تھی زوہیب بھائی نے ان کے ساتھ فقط نسوار کی وجہ سے اپنے وسیع و عریض تعلقات کو اپنی توند کی طرح پُھلا کر منجمد کر دیا تھا۔
متفقہ طور پر فیصلہ کیا گیا کہ چونکہ باقی سارے اخراجات ہم دیکھ رہے ہیں تو استری کا بندوست زوہیب بھائی ہی کریں گے۔
اگلے ہفتے جب زوہیب بھائی گھر سے واپس لوٹے تو ان کے ہاتھ میں استری دیکھ کر ہمیں یقین نہ آیا کہ جس بندے سے اس کے گھر والوں کے ساتھ ساتھ ارد گرد کے پچاس ہمسائے بھی تنگ رہتے ہیں اسے استری کیسے دے دی گئی۔ ہمیں فوراً شک گزرا کہ ڈائنا سور کے اس آخری خراب انڈے نے ضرور گھر سے استری چرائی ہو گی۔
حقیقت جاننے کے لئے ہم نے نسوار کے اوپر ہاتھ رکھوا کر زوہیب بھائی سے قسم اٹھوائی کیونکہ زوہیب بھائی ہر معاملے میں جھوٹ بول سکتے ہیں لیکن نسوار کی قسم کے اوپر اپنے ساتھ ساتھ آٹھ دس اور لوگوں کے سچ بھی منہ پھاڑ کر بَک دیتے ہیں۔
زوہیب بھائی نے بتایا کہ جس دن انہوں نے گھر سے واپس آنا تھا اس دن استری کو جلدی جلدی کھول کر اندر سے ایک تار نکال دی اور غصہ کرنا شروع کر دیا کہ یہاں بیٹا دن رات ہاسٹلوں میں محنت کر کر سوکھ کر آدھا ہو گیا ہے اور گھر میں اس کے لئے استری والے کپڑے تک نہیں، جب گھر والے ہی عزت نہ دیں تو باہر کون مائی کا لال عزت کرے گا ۔
زوہیب بھائی کی یہ شاہکار کہانی سننے کے لیے آدھا ہاسٹل ہمارے جھونپڑ خانے یعنی ہمارے کمرے میں جمع ہو چکا تھا اور زوہیب بھائی کسی بہت بڑے مقرر کی طرح اپنی اس تاریخ ساز کامیابی کو بڑھا چڑھا کر پیش کر رہے تھے کہ اسی دوران گھر سے زوہیب بھائی کو چاچو کی کال آ گئی اور زوہیب بھائی نے سپیکر آن کر کے انہیں بتایا کہ " ابا میں ابھی مستری کی طرف سے آ رہا ہوں، انہوں نے کہا کہ استری مکمل طور پر جل چکی ہے اس کو ریوائنڈ کرانے میں دو ہزار روپے لگ جائیں گے، آپ ایسا کریں دو ہزار بھیج دیں ، کچھ پیسے میں اپنی طرف سے ملا کر گھر کے لئے ایک نئی استری لے کر بھیج دوں گا"۔
پورا ہاسٹل اس لگڑ بھگے کے شاطر دماغ پر عش عش کر اٹھا۔ کچھ دن بعد جب گھر سے استری کے پیسے آئے تو زوہیب بھائی نے لنڈے کے انٹیک پیس والوں سے سات سو روپے میں استمعال شدہ استری خریدی اور اسے دو گھنٹے لگا کر رگڑ رگڑ کر صاف کر کے بالکل نیا بنا دیا اور دوسرے دن گھر بھجوا دیا۔ اب میں اور مجتبیٰ بھائی خوش تھے کہ باقی کے بچے ہوئے پیسوں سے چلو کسی سستے ڈھابے پر اچھا سا کھانا کھا لیں گے لیکن ہماری یہ خواہش اس وقت دم توڑ گئی جب زوہیب بھائی بچے ہوئے پیسوں سے پورا ایک بڑا تھیلا نسوار کا لے آئے اور اسے اپنے بدبودار صندوق میں رکھتے ہوئے بولے " ہنڑ بلاشک میکوں روٹی نہ ملے میڈا گزارا ول وی تھی ویسی" ۔

سلمان حیدر خان

Funny Latifay In Urdu - عجیب مگر دلچسپ


funny latifay in urdu 2020, lateefe in urdu, urdu lateefay, lateefay,funny urdu poetries, lateefay funny in urdu,latifay

*عجیب مگر دلچسپ...*
😊😊😀😀😁😁

*‏اردو زبان کے کچھ الفاظ الٹا کرکے پڑھنے سےمعنی ہی بدل جاتے ہیں۔*

بارش = شراب
سیب = بیس
تاریخ = خیرات
لاش = شال
بیج = جیب
نام = مان
روز = زور
بات = تاب
ناپ = پان
رات = تار
ریت = تیر
شوخ = خوش
شام = ماش
رش = شر
لوگ = گول
ناک = کان
لات = تال

*لیکن؟*
دو چیزیں ایسی ہیں۔۔۔
ان کو الٹا کر لیں یا سیدھا کرلیں۔۔۔
جو مرضی کرلیں۔۔۔

ذرا بھی نہیں بدلتے۔

*"ساس"* اور *"داماد"*

😅😅😂😂🤣🤣😜

Urdu Funny Joke - ریاضى میں کمزور دو دوست


very very funny jokes in urdu, funny jokes in urdu sms, funny jokes in urdu 2020 new, funny jokes in urdu 2020, very funny joke in urdu 2020, latifay in urdu funny


😁

ریاضى میں کمزور دو دوست انٹرویو کیلئے تیار بیٹھے تھے،
پہلے کا نمبر آیا تو وه اندر داخل ہُوا....

آفیسر: آپ ٹرین سے سفر کر رہے ہوں اور اچانک آپ کو گرمى لگے تو کیا کرو گے؟

امیدوار: میں کھڑکى کھول دُوں گا۔

آفیسر : بہت خُوب، اَب بتاؤ کہ اگر وه کھڑکى 1.5 اسکوئر میٹر ہے اور ڈبے کا رقبہ 
12x90 فٹ ہے
 اور ٹرین 80 کلومیٹر فى گھنٹہ کى رفتار سے جنوب کى طرف جا رہى ہو اور ہوا جنوب سے 5 میل فى سیکنڈ کی رفتار سے ڈبے میں داخل ہو رہى ہو تو پُورا ڈبه ٹھنڈا ہونے میں کتنا وقت درکار ہو گا؟

امیدوار نے کوشش کى مگر جواب نہ دے سکا اور وه فیل ہو گیا۔

باہر آ کر اُس نے وہ سوال اپنے دوست کو بتایا
اب اس کى بارى آئی۔۔۔

آفیسر : آپ ٹرین میں سفرکر رہے ہوں، اچانک آپ کو گرمى لگے تو کیا کرو گے ؟

امیدوار : میں اپنا کوٹ اُتار دُوں گا۔۔
آفیسر : پھر بھى آپ کو گرمى لگے تو کیا کرو گے؟

امیدوار : میں اپنی شرٹ اُتار دُوں گا۔
آفیسر : (چڑ کر) پھر بھى آپ کو گرمى لگے تو کیا کرو گے؟

امیدوار : میں اپنی بُنیان اُتار دُوں گا۔

آفیسر :(غُصے میں) اگر پھر بھى گرمى لگے تو؟

امیدوار : توں پاویں مینوں قتل کر دے میں کھڑکی نئیں او کھولنی..........😂


Beautiful Wasif Ali Wasif Urdu Quotes - صبر کرنے والے


wasif ali wasif quotes in hindi, wasif ali wasif quotes pics, wasif ali wasif quotes in urdu text, wasif ali wasif quotes in urdu

صبر کرنے والے اس مقام سے آشنا کرادئیے جاتے ہیں کہ تکلیف دینے والا ہی صبر کی تعفیق دے رہا ہے اور اس مقام پر “صبر“ ہی “شکر“ کا درجہ اختیار کرلیتا ہے ۔ یہ وجہ ہے کہ اس کے مقرب اذیت سے تو گزرتے ہیں، لیکن بیزاری سے کبھی نہیں گزرتے۔ وہ شکر کرتے ہوئے وادئ اذیت سے گذرجاتے ہیں۔
دنیا دار جس مقام پر بیزار ہوتا ہے، مومن اس مقام پر صبر کرتا ہے اور مومن جس مقام پر صبر کرتا ہے، مقرب اس مقام پر شکر کرتا ہے،کیونکہ یہی مقام و وصال حق کا مقام ہے۔ تمام و اصلین حق صبر کی وادیوں سے بہ تسلیم و رضا گزرکر سجدہ شکر تک پہنچے۔یہی انسان کی رفعت ہے۔یہی شانَ عبودیت ہے کہ انسان کا وجود تیروں سے چھلنی ہو،دل یا دو سے زخمی ہو اور درنیاز سجدہ میں ہو کہ“اے خالق! تیرا شکر ہے، لاکھ بار شکر ہے کہ تو ہے کہ تو نے مجھے چن لیا، اپنا بندہ بنایا، اپنا اور صرف اپنا تیری طرف سے آنے والے ہر حال پر ہم راضی ہیں۔ ہم جانتے ہیں کہ ہم اور ہماری زندگی بے مصرف اور بے مقصد نہ رہنے دینے والا تو ہے۔ جس نے ہمیں تاج تسلیم و رضا پہنا کر اہلِ دنیا کے لیے ہمارے صبر کا ذکر ہی باعث تسکین روح و دل بنایا۔“

واصف علی واصف


Beautiful Urdu Quotes About People - لوگ دنیا سے چلے جاتے ہیں


Beautiful Urdu Quotes About People Society, best quotes in urdu language, amazing quotes in urdu, sad quotes in urdu, urdu quotes on zindagi

لوگ دنیا سے چلے جاتے ہیں مگر جو کچھ انہوں نے دوسروں کی زندگیوں کے ساتھ کیا ہوتا ہے وہ ان کے ساتھ بھی جاتا ہے اور دنیا میں بھی کھڑا رہتا ہے ان کا حوالہ بن کر.......

اور دنیا کے یہی حوالے ان کے حق میں یا ان کے خلاف جا سکتے ہیں تو معاملہ اتنا سیدھا نہیں جتنا بعض اوقات سمجھا جاتا ہے !

خواب نہ کچلیں ، چراغ نہ بجھائیں، آس نہ مٹائیں، تباہیاں نہ کریں ورنہ خود بھی نہیں بچ پائیں گے..!😢
آسانیاں بانٹیں تاکہ آپکا سفر بھی آسان ہو زمین کے اوپر بھی اور زمین کے نیچے بھی ⁦☺️⁦☺️🌿

*کیونکہ مکافات عمل اٹل ھے .!

Urdu Funny Tehreer - Urdu Lateefy - نیلی ٹائی


funny news in urdu in written form - Funny urdu joke- urdu joke -urdu jokes sms - funny urdu jokes in english - urdu jokes new - new urdu jokes 2020 - urdu jokes funny - very very funny jokes in urdu


کل جب آفس پہنچ کر اپنی دراز کھولی ۔۔۔۔تو ایک پرچی اوپر ہی پڑی تھی ۔۔۔ جس پہ جلی حروف میں لکھا تھا"اگر آپ کو مجھ سے محبت ہے اور مجھ سے شادی کرنا چاہتے ہیں تو کل نیلے رنگ کی ٹائی پہن کر آنا ۔۔۔میں سمجھ جاؤں گی کہ آپ بھی مجھ سے شادی پہ راضی ہیں "

عبارت پڑھ کر دل حلق میں آگیا ۔۔۔آفس میں کل تین ایسی خواتین تھیں جن کی طرف دھیان بار بار جاتا تھا ۔۔۔لیکن ان میں کون ایسی حسینہ تھی جو مجھ سے شادی جیسے انتہائی اقدام پہ راضی تھی۔اس کا اندازہ لگانا مشکل ہی نہیں ۔۔۔ ناممکن تھا ۔۔۔سارا دن تینوں خواتین کا باری باری جائزہ لیتا رہا ۔۔۔لیکن کسی ایک کے بارے میں بھی حتمی رائے قائم نہیں کرسکا ۔۔۔

چھٹی کے بعد گھر آکر بھی بار بار یہی سوچتا رہاکہ کیا کروں انکار کردوں یا ہاں کروں ۔۔۔پھر تینوں خواتین کی شکلیں بار بار آنکھوں کے سامنے لہراتی رہیں ۔۔۔

رات بے چینی میں گزری صبح ہوئی تو دل کڑا کرکے فیصلہ کیا کہ آج شلوار قمیض میں آفس جاؤں گا ۔۔۔تاکہ ٹائی لگانا ہی نہ پڑے

لیکن نہ معلوم کیسے ارادہ تبدیل ہوا اور سوٹ پہن کر نیلی ٹائی لگائی،پرفیوم کا ضرورت سے زیادہ استعمال کیااور دل ہی دل میں فیصلہ کیا ۔۔۔کہ کیا حرج ہے اگر کوئی خاتون مجھ سے شادی کرنا چاہتی ہے تو اسکا دل کیوں توڑوں ؟؟کسی کے کام آنا بھی ثواب ہے۔

اس خصوصی تیاری میں ٹائم بھی اضافی ہی لگا بھاگتے بھاگتے آفس پہنچا ۔۔۔تو یہ دیکھ کر حیران رہ گیا ۔۔۔کہ آج کوئی ایک درجن لوگ نیلی ٹائی لگائے ہوئے تھے اور تینوں خواتین مسکرا رہی تھیں

Pakistani Lateefay Funny - چھوٹی چھوٹی چیزیں بہت تکلیف دیتی ہیں

pakistani lateefay funny, punjabi lateefay, urdu lateefay 2020, funny lateefay in urdu images


چھوٹی چھوٹی چیزیں بہت تکلیف دیتی ہیں  مثال کے طور پر آپ پہاڑ پر تو بیٹھ سکتے ہیں 
لیکن سوئی پر نہیں


Urdu Tehreer - مردانہ کمزوری!!!


Urdu Tehreer -  مردانہ کمزوری!!!

مردانہ کمزوری!!!

ﺣﮑﯿﻢ ﺻﺎﺣﺐ ﻣﯿﺮﯼ ﺑﯿﻮﯼ ﻣﺠﮭﮯ ﮐﮩﺘﯽ ﮨﮯ ﮐﮧ ﺗﻢ ﻣﺮﺩﺍﻧﮧ ﻃﻮﺭ ﭘﺮ ﮐﻤﺰﻭﺭ ﮨﻮ، ﺗﻢ ﻣﯿﮟ ﻣﺮﺩﺍﻧﮧ ﺻﻔﺎﺕ ﻧﮩﯿﮟ ﮨﯿﮟ۔ ﻣﯿﮟ ﯾﮧ ﺑﺎﺕ ﺳﻦ ﮐﺮ ﺣﯿﺮﺍﻥ ﺭﮦ ﮔﯿﺎ،ﺟﺲ ﮐﯽ ﺑﯿﻮﯼ ﺍﺳﮯ ﮐﮩﺘﯽ ﮨﮯ ﮐﮧ ﺗﻢ ﻣﺮﺩﺍﻧﮧ ﮐﻤﺰﻭﺭﯼ ﮐﺎ ﺷﮑﺎﺭ ﮨﻮ
ﻣﯿﮟ ﺍﺳﮯ ﺍﭘﻨﮯ ﮐﯿﺒﻦ ﻣﯿﮟ ﻟﮯ ﮔﯿﺎ، ﺿﺮﻭﺭﯼ ﭨﯿﺴﭧ ﺳﮯ ﻓﺎﺭﻍ ﮨﻮﺍ ﺗﻮ ﭘﺘﺎ ﭼﻼ ﮐﮧ ﻭﮦ ﺗﻮ ﭨﮭﯿﮏ ﮨﮯ ﺑﺎﻟﮑﻞ ﺻﺤﺖ ﻣﻨﺪ ﮨﮯ ﮐﻮﺋﯽ ﻣﺮﺩﺍﻧﮧ ﮐﻤﺰﻭﺭﯼ ﻧﮩﯿﮟ ﮨﮯ
ﺍﻭﺭ ﺩﻭ ﺑﭽﮯ ﺑﮭﯽ ﮨﯿﮟ۔
ﺧﯿﺮ ﺍﭘﻨﮯ ﮐﺎﺭﻭﺑﺎﺭ ﮐﻮ ﺍﯾﺴﮯ ﺗﻮ ﻣﻨﺪﺍ ﻧﮩﯿﮟ ﮐﺮﻧﺎ ﺗﮭﺎ
ﺗﻮ ﺍﺳﮯ ﺩﻭ ﺗﯿﻦ ﺑﯿﻤﺎﺭﯾﻮﮞ ﮐﺎ ﺑﺘﺎﯾﺎ ﺍﻭﺭ ﮐﭽﮫ ﺍﺩﻭﯾﺎﺕ ﺩﯾﮟ ﺍﻭﺭ ﭘﻨﺪﺭﮦ ﺩﻥ ﺍﺳﺘﻌﻤﺎﻝ ﮐﺮﻧﮯ ﮐﮯ ﺑﻌﺪ ﭘﮭﺮ ﺁﻧﮯ ﮐﺎ ﮐﮩﺎ۔
ﻭﮦ ﻣﺮﯾﺾ ﭘﻨﺪﺭﮦ ﺩﻥ ﺑﻌﺪ ﻭﺍﭘﺲ ﺁﯾﺎ ﺍﺳﮑﯽ ﺫﮨﻨﯽ ﺣﺎﻟﺖ ﺳﮯ ﻟﮕﺘﺎ ﺗﮭﺎ ﮐﮧ ﻭﮦ ﺫﮨﻨﯽ ﻃﻮﺭ ﭘﺮ ﺑﮩﺖ ﺯﯾﺎﺩﮦ ﭘﺮﯾﺸﺎﻥ ﮨﮯ، ﭘﺘﺎ ﭼﻼ ﺍﺏ ﺑﮭﯽ ﺍﺳﮑﯽ ﺑﯿﻮﯼ ﮐﻮ ﻭﮨﯽ ﺷﮑﺎﯾﺖ ﮨﮯ
ﺣﮑﯿﻢ ﺻﺎﺣﺐ ﮐﭽﮫ ﮐﺮﯾﮟ ﻣﯿﮟ ﮔﮭﭧ ﮔﮭﭧ ﮐﮯ ﻣﺮﺟﺎﺅﮞ ﮔﺎ ﻣﯿﮟ ﺩﻝ ﻣﯿﮟ ﺣﯿﺮﺍﻥ ﺗﮭﺎ ﮐﮧ ﺍﯾﮏ ﺻﺤﺖ ﻣﻨﺪ ﺷﻮﮨﺮ ﭘﺮ ﺍﺳﮑﯽ ﺑﯿﻮﯼ ﮐﯿﻮﮞ ﺫﮨﻨﯽ ﺗﺸﺪﺩ ﮐﺮ ﺭﮨﯽ ﮨﮯ،
ﺍﺳﮯ ﺑﻮﻻ ﮐﮧ ﺍﮔﻠﮯ ﺩﻥ ﺷﺎﻡ ﮐﻮ ﻭﮦ ﺍﭘﻨﯽ ﺑﯿﻮﯼ ﮐﻮ ﺍﭘﻨﮯ ﺳﺎﺗﮫ ﻟﮯ ﺁﺋﮯ، ﺍﮔﻠﮯ ﺩﻥ ﻭﮦ ﺩﻭﻧﻮﮞ ﻣﯿﺮﮮ ﺳﺎﻣﻨﮯ ﺑﯿﭩﮭﮯ ﺗﮭﮯ، ﮨﺎﮞ ﺑﯽ ﺑﯽ ﺁﭖ ﮐﻮ ﺍﭘﻨﮯ ﺷﻮﮨﺮ ﺳﮯ ﮐﯿﺎ ﻣﺴﺌﻠﮧ ﮨﮯ
ﺣﮑﯿﻢ ﺻﺎﺣﺐ ﻭﮦ ﻣﺮﺩﺍﻧﮧ ﻃﻮﺭ ﭘﺮ ﮐﻤﺰﻭﺭ ﮨﯿﮟ، ﻣﯿﮟ ﺍﺳﮑﯽ ﺑﮯ ﺑﺎﮐﯽ ﭘﺮ ﺣﯿﺮﺍﻥ ﺭﮦ ﮔﯿﺎ، ﺍﺳﮑﮯ ﺷﻮﮨﺮ ﻧﮯ ﺍﯾﮏ ﻧﻈﺮ ﺷﮑﺎﯾﺖ ﺍﺱ ﭘﺮ ﮈﺍﻟﯽ ﺍﻭﺭ ﻣﯿﺮﯼ ﻃﺮﻑ ﺍﻣﺪﺍﺩ ﻃﻠﺐ ﻧﻈﺮﻭﮞ ﺳﮯ ﮔﮭﻮﺭﻧﮯ ﻟﮕﺎ، ﻣﯿﮟ ﺗﮭﻮﮌﺍ ﺳﺎ ﺟﮭﻼ ﮔﯿﺎ ﮐﮧ ﮐﯿﺴﯽ ﻋﻮﺭﺕ ﮨﮯ ﺫﺭﺍ ﺑﮭﯽ ﺷﺮﻡ ﺣﯿﺎ ﻧﮩﯿﮟ ﮨﮯ، ﺗﻮ ﻣﯿﮟ ﻧﮯ ﺑﮭﯽ ﺷﺮﻡ ﻭ ﺣﯿﺎ ﮐﺎ ﺗﻘﺎﺿﺎ ﺍﯾﮏ ﻃﺮﻑ ﺭﮐﮭﺎ ﺍﻭﺭ ﺗﯿﺰ ﺗﯿﺰ ﺳﻮﺍﻝ ﮐﺮﻧﺎ ﺷﺮﻭﻉ ﮐﺮ ﺩﯾﮯ، ﺟﺐ ﺍﺱ ﺳﮯ ﭘﻮﭼﮭﺎ ﮐﮧ ﮐﯿﺎ ﻣﺴﺌﻠﮧ ﮨﮯ ﺗﻤﮩﯿﮟ ﺍﭘﻨﮯ ﺷﻮﮨﺮ ﺳﮯ، ﺗﻮ ﮐﮩﺘﯽ ﮨﮯ ﮐﮧ ﺩﻭ ﺑﭽﮯ ﮨﯿﮟ ﮨﻤﺎﺭﮮ ﻭﮦ ﺟﺴﻤﺎﻧﯽ ﻃﻮﺭ ﭘﺮ ﺑﺎﻟﮑﻞ ﭨﮭﯿﮏ ﮨﯿﮟ، ﺗﻮ ﺑﯽ ﺑﯽ ﭘﮭﺮ ﻣﺮﺩﺍﻧﮧ ﻃﻮﺭ ﭘﺮ ﮐﻤﺰﻭﺭ ﮐﯿﺴﮯ ﮨﻮﺋﮯ؟
ﺣﮑﯿﻢ ﺻﺎﺣﺐ ! ﻣﯿﺮﮮ ﺑﺎﺑﺎ ﺩﯾﮩﺎﺕ ﻣﯿﮟ ﺭﮨﺘﮯ ﮨﯿﮟ ﺯﻣﯿﻨﺪﺍﺭﯼ ﮐﺮﺗﮯ ﮨﯿﮟ ﮨﻢ ﺩﻭ ﺑﮩﻨﯿﮟ ﮨﯿﮟ ﮨﻤﯿﮟ ﮐﺒﮭﯽ ﺩﯼ ﺭﺍﻧﯽ ﺳﮯ ﮐﻢ ﺑﻼﯾﺎ ﮨﯽ ﻧﮩﯿﮟ ﺍﻭﺭ ﻣﯿﺮﮮ ﺷﻮﮨﺮ ﻣﺠﮭﮯ ﮐﺘﯽ ﺑﻼﺗﮯ ﮨﯿﮟ، ﯾﮧ ﮐﻮﻧﺴﯽ ﻣﺮﺩﺍﻧﮧ ﺻﻔﺖ ﮨﮯ ﺣﮑﯿﻢ ﺻﺎﺣﺐ ﻣﺠﮫ ﺳﮯ ﮐﻮﺋﯽ ﻏﻠﻄﯽ ﮨﻮﺟﺎﺋﮯ ﺗﻮ ﯾﮧ ﻣﯿﺮﮮ ﭘﻮﺭﮮ ﻣﯿﮑﮯ ﮐﻮ ﻧﻨﮕﯽ ﻧﻨﮕﯽ ﮔﺎﻟﯿﺎﮞ ﺩﯾﺘﮯ ﮨﯿﮟ ﺑﺘﺎﺋﯿﮟ ﺟﯽ ! ﺍﺱ ﻣﯿﮟ ﺍﻧﮑﺎ ﮐﯿﺎ ﻗﺼﻮﺭ ﮨﮯ، ﯾﮧ ﻣﺮﺩﺍﻧﮧ ﺻﻔﺖ ﺗﻮ ﻧﮩﯿﮟ ﻧﺎ ﮐﮧ ﺩﻭﺳﺮﻭﮞ ﮐﯽ ﮔﮭﺮ ﻭﺍﻟﯿﻮﮞ ﮐﻮ ﮔﺎﻟﯽ ﺩﯼ ﺟﺎﺋﮯ۔
ﺣﮑﯿﻢ ﺻﺎﺣﺐ ! ﻣﯿﺮﮮ ﺑﺎﺑﺎ ﻣﺠﮭﮯ ﺷﮩﺰﺍﺩﯼ ﮐﮩﺘﮯ ﮨﯿﮟ
ﺍﻭﺭ ﯾﮧ ﻏﺼﮯ ﻣﯿﮟ ﮐﻨﺠﺮﯼ ﮐﮩﺘﮯ ﮨﯿﮟ ‏( ﻣﺮﺩ ﺗﻮ ﻭﮦ ﮨﻮﺗﺎ ﮨﮯ ﻧﺎ ﺟﻮ ﮐﻨﺠﺮﯼ ﮐﻮ ﺑﮭﯽ ﺍﺗﻨﯽ ﻋﺰﺕ ﺩﮮ ﮐﮧ ﻭﮦ ﮐﻨﺠﺮﯼ ﻧﺎ ﺭﮨﮯ، ‏) ﺍﻭﺭ ﯾﮧ ﺍﭘﻨﯽ ﺑﯿﻮﯼ ﮐﻮ ﮐﻨﺠﺮﯼ ﭘﮑﺎﺭﺗﮯ ﮨﯿﮟ ﯾﮧ ﮐﻮﺋﯽ ﻣﺮﺩﺍﻧﮧ ﺑﺎﺕ ﺗﻮ ﻧﮩﯿﮟ ﮨﻮﺋﯽ ﻧﺎ !
ﺣﮑﯿﻢ ﺻﺎﺣﺐ ﺍﺏ ﺁﭖ ﺑﺘﺎﺋﯿﮟ ! ﮐﯿﺎ ﯾﮧ ﻣﺮﺩﺍﻧﮧ ﻃﻮﺭ ﭘﺮ ﮐﻤﺰﻭﺭ ﻧﮩﯿﮟ ﮨﯿﮟ؟
ﻣﯿﺮﺍ ﺳﺮ ﺷﺮﻡ ﺳﮯ ﺟﮭﮏ ﮔﯿﺎ ﺗﮭﺎ، ﺍﺳﮑﺎ ﺷﻮﮨﺮ ﺁﻧﮑﮭﯿﮟ ﭘﮭﺎﮌ ﭘﮭﺎﮌ ﮐﺮ ﺍﺳﮑﯽ ﻃﺮﻑ ﺩﯾﮑﮫ ﺭﮨﺎ ﺗﮭﺎ۔
ﺍﮔﺮ ﯾﮩﯽ ﻣﺴﺌﻠﮧ ﺗﮭﺎ ﺗﻮ ﺗﻢ ﻣﺠﮭﮯ ﺑﺘﺎ ﺳﮑﺘﯽ ﺗﮭﯿﮟ ﻧﺎ
ﻣﺠﮫ ﭘﺮ ﺫﮨﻨﯽ ﭨﺎﺭﭼﺮ ﮐﺮﻧﮯ ﮐﯽ ﮐﯿﺎ ﺿﺮﻭﺭﺕ ﺗﮭﯽ؟
ﺁﭖ ﮐﻮ ﮐﯿﺎ ﻟﮕﺘﺎ ﮨﮯ ! ﺁﭖ ﺟﺐ ﻣﯿﺮﯼ ﻣﺎﮞ ﺑﮩﻦ ﮐﮯ ﺳﺎﺗﮫ ﻧﺎﺟﺎﺋﺰ ﺭﺷﺘﮯ ﺟﻮﮌﺗﮯ ﮨﯿﮟ، ﻣﯿﮟ ﺧﻮﺵ ﮨﻮﺗﯽ ﮨﻮﮞ؟
ﺍﺗﻨﮯ ﺳﺎﻟﻮﮞ ﺳﮯ ﺁﭘﮑﺎ ﮐﯿﺎ ﮔﯿﺎ ﺫﮨﻨﯽ ﺗﺸﺪﺩ ﺑﺮﺩﺍﺷﺖ ﮐﺮ ﺭﮨﯽ ﮨﻮﮞ
ﻭﮦ ﺩﻭﻧﻮﮞ ﭼﻠﮯ ﮔﺌﮯ۔ﻣﯿﮟ ﮐﺎﻓﯽ ﺩﯾﺮ ﺗﮏ ﺳﻮﭺ ﺑﭽﺎﺭ ﮐﺮﺗﺎ ﺭﮨﺎ، ﺑﺎﮨﺮ ﻧﮑﻼ ﺗﻮ ﻣﯿﺮﺍ ﺷﺎﮔﺮﺩ ﻣﺠﮭﮯ ﺩﯾﮑﮭﺘﮯ ﮨﯽ ﺑﻮﻻ، ﺣﮑﯿﻢ ﺻﺎﺣﺐ ﻭﮦ ﻣﯿﺎﮞ ﺑﯿﻮﯼ ﺑﺎﮨﺮ ﻧﮑﻠﮯ ﺗﻮ ﻣﯿﮟ ﻧﮯ ﭘﻨﺪﺭﮦ ﺩﻥ ﮐﯽ ﺍﻭﺭ ﺩﻭﺍﺋﯽ ﭘﯿﮏ ﮐﺮ ﮐﮯ ﺩﯾﻨﮯ ﻟﮕﺎ، ﭘﺮ ﺍﺳﮑﯽ ﺑﯿﻮﯼ ﺗﻮ ﺑﮍﯼ ﺗﯿﺰ ﻧﮑﻠﯽ۔
ﺍﺳﻨﮯ ﺩﻭﺍﺋﯽ ﻣﯿﺮﮮ ﻣﻨﮧ ﭘﺮ ﻣﺎﺭﯼ …
ﮐﮩﺘﯽ ﮨﮯ ﺧﻮﺩ ﮐﮭﺎ ﻟﯿﻨﺎ ﺍﻭﺭ ﺍﭘﻨﮯ ﺍﺱ ﻧﺎﻣﺮﺩ ﻟﭩﯿﺮﮮ ﺣﮑﯿﻢ ﮐﻮ ﮐﮭﻼ ﺩﯾﻨﺎ ۔
ﮐﯿﺎ ………… ؟
ﻣﯿﺮﯼ ﺯﺑﺎﻥ ﺳﮯ ﮔﺎﻟﯽ ﺁﺗﮯ ﺁﺗﮯ ﺭﮎ ﭼﮑﯽ ﺗﮭﯽ
ﮐﯿﺎ ﻣﯿﮟ ﺑﮭﯽ ﻣﺮﺩﺍﻧﮧ ﮐﻤﺰﻭﺭﯼ ﮐﺎ ﺷﮑﺎﺭ ﮨﻮﮞ
ﻣﯿﺮﮮ ﺫہن میں ﺳﻮﭺ ﺍﺑﮭﺮﻧﮯ ﻟﮕﯽ۔

2 Line Barish Urdu Poetry - اس نے بارش میں بھی

barish poetry in urdu 2 lines sms, barish ki shayari in urdu, barish poetry in urdu text, barish shayari in urdu images


اس نے بارش میں بھی کھڑکی کھول کے دیکھا نہیں 


بھیگنے  والوں کو کل کیا کیا پریشانی ہوئی 

جمال احسانی

2 Line Sad Poetry - اب کے ہم بچھڑے

2 Line Sad Poetry by Ahmad Faraz, ahmad faraz poetry in urdu 2 lines, ahmad faraz poetry in urdu download, ahmed faraz poetry 2 lines, ahmad faraz sher


اب کے ہم بچھڑے تو شاید کبھی خوابوں میں ملیں 

جس طرح سوکھے ہوئے پھول کتابوں میں ملیں 

احمد فراز

Sad Urdu Quotes About Society - جہیز لعنت ہے

double face quotes in urdu, sad quotes in urdu, amazing quotes in urdu, urdu quotes on people, urdu quotes on zindagi, urdu quotes about people



کل ایک لڑکی کا میسج آیا کہ کوئی اچھی سی جاب بتا سکتے ہیں ؟؟ جب میں نے وجہ پوچھی تو حیران کے ساتھ خاموش سا ہوگیا۔۔۔
ہوا یوں کچھ دن پہلے اک فیملی لڑکی کو دیکھنے آئی ۔۔ لڑکی ماشااللہ پیاری ہے اور ماسٹر کیا ہوا ہے۔۔چائے دینے کے بعد لڑکی روم میں چلی گئی۔
کچھ تعریفوں کے بعد بات پکی ہونے لگی تو سوال جہیز کا آگیا ۔ لڑکے کی ماں نے کہا کے ہمارے خاندان میں یہ رواج ہے کہ 15 تولہ سونا 10 مرلے کا پلاٹ اور فلاں فلاں سامان فرنیچر ہوتا اور ساتھ بیٹھا بیٹا چائے کے سپ لیتا رہا۔۔ کچھ دیر پہلے جہاں لڑکی کی بات اور ہنسی مزاق ہو رہا تھا اب وہاں سناٹا تھا۔۔۔
آخر کار جواب نا ہو گیا۔ لڑکی ڈر کے مارے کمرے سے نا نکل رہی تھی۔ آخر برتن اٹھانے کے لیے آئی تو غیرت مند (پڑھا لکھا بےروزگار )بھائی بولا " جتنا اس کو پڑھانے پر پیسا لگایا اس سے اچھا تھا جہیز بنا لیتے۔۔ پھر غصہ سے بہن کی طرف مخاطب ہوا کہ اتنا باپ نے پڑھایا ہے کوئی اچھی جاب کر اور جہیز بنا۔۔. وہاں بیٹھا باپ خاموش تھا اور ماں آنسو بہا رہی تھی۔۔۔۔
میں اکثر جو لکھتا ہوں کہانی نہیں حقیقت لکھتا ہوں۔۔
باقی اگر جہیز کی پوسٹ کردو تو ہر مرد یہاں "جہیز لعنت ہے" کہنے لگتا ہے اور حقیقت میں خاموش بیٹھے چائے پیتے ہیں۔

منقول

2 Line Urdu Poetry About Life - بہت پہلے سے ان قدموں کی آہٹ جان لیتے ہیں

Sad poetry in urdu 2 lines about life, sad poetry in urdu 2 lines without images, 2 line poetry in urdu font, 2 line sad shayari in urdu, sad poetry in urdu 2 lines for facebook


بہت پہلے سے ان قدموں کی آہٹ جان لیتے ہیں 

تجھے اے زندگی ہم دور سے پہچان لیتے ہیں 

فراق گورکھپوری

2 Line Sad Urdu Poetry - Ujlay Apni Yaadon

2 line poetry in urdu font, 2 lines urdu poetry, sad poetry in urdu 2 lines without images, 2 line urdu poetry romantic, poetry in urdu 2 lines about life, sad poetry in urdu 2 lines about life, sad poetry in urdu 2 lines for facebook.


اجالے اپنی یادوں کے ہمارے ساتھ رہنے دو 

نہ جانے کس گلی میں زندگی کی شام ہو جائے 

بشیر بدر

Best Inspirational Urdu Quotes Images - Urdu Quotes

Best Inspirational Urdu Quotes Images - Life Urdu Quotes - People Urdu Quotes

عربی روایت سے ترجمہ )
مینڈکوں کا ایک گروہ کہیں جا رہا تھا کہ اچانک ان میں سے دو بے دھیانی میں ایک گڑھے میں جا گرے۔
باہر ٹھہرے مینڈکوں نے دیکھا کہ گڑھا ان دو مینڈکوں کی استطاعت سے زیادہ گہرا ہے تو انہوں نے اوپر سے کہنا شروع کر دیا۔ ھائے افسوس، تم اس سے باہر نہ نکل پاؤ گے، کوششیں کر کے ہلکان مت ہونا، ہار مان لو اور یہیں اپنی موت کا انتظار کرو۔
ایک مینڈک کا یہ سب کچھ سن کر دل ہی ڈوب گیا، اس نے ٹوٹے دل کے ساتھ چند کوششیں تو کیں مگر اس جان لیوا صدمے کا اثر برداشت نہ کر پایا اور واقعی مر گیا۔
دوسرے کی کوششوں میں شدت تھی اور وہ جگہ بدل بدل کر، جمپ لگاتے ہوئے باہر نکلنے کی کوشش کر رہا تھا۔ اوپر والے مینڈک پورے زور و شور سے سیٹیاں بجا کر، آوازے کستے ہوئے، اسے منع کرنے میں لگے ہوئے تھے کہ مت ہلکان ہو، موت تیرا مقدر بن چکی ہے۔ لیکن مینڈک نے اور زیادہ شدت سے اپنی کوششیں جاری رکھیں اور واقعی میں باہر نکلنے میں کامیاب ہو گیا۔
سارے مینڈک اس کے گرد جمع ہو گئے اور پوچھنا کیا کہ وہ کیسے باہر نکلا تو سب کو یہ جان کر بہت حیرت ہوئی کہ یہ والا مینڈک تو کانوں سے محروم اور بہرا تھا۔
مینڈک سارا وقت یہی سمجھ کر باہر نکلنے کیلیئے اپنا سارا زور لگاتا رہا تھا کہ باہر کھڑے ہوئے سارے مینڈک اس کے بہی خواہ اور دوست ہیں، جو اس کی ہمت بندھوا رہے ہیں اور جوش دلا رہے ہیں جبکہ حقیقت یہ تھی کہ وہ سارے اس کی ہمت توڑنے اور باہر نکلنے کے عزم کو ختم کرنے میں لگے ہوئے تھے۔
نتیجہ: کسی بھی تنقید پر بددل مت ہوں بلکہ اس تنقید کے نشتر کی سیڑھیاں بنا کر کامیابی کی منزل کی جانب بڑھتے رہیں

Urdu Sad Poetry About Muhabbat - میں محبت ہار آیا ہوں

very sad poetry in urdu images, urdu poetry in urdu, urdu poetry love, poetry urdu, romantic urdu poetry
میں محبت ہار آیا ہوں 
اپنی انا مار آیا ہوں 
اسکی چوکھٹ پہ جوانی چھوڑ آیا ہوں
اپنی ساری جمع پونجی لٹا آیا ہوں 
اپنا سب کچھ گنوا آیا ہوں 
ننگے پاؤں اسکی دہلیز سے لوٹ آیا ہوں
ماں حیران ہے اسکی ضد پر کھانا نہیں کھاتا
اسکو کیا معلوم میں کیا کچھ کھو آیا ہوں 

شاہد بزدار (یتیم محبت)


Urdu Quotes - Muhabbat Bolti Nahi Hai


urdu quotes about life, sad urdu quotes, urdu love quotes, urdu quotes on zindagi, urdu love quotes with images, zindgi ki achi batn in urdu, urdu quotes about life, beautiful quotes in urdu for facebook, amazing quotes in urdu.


محبّت بولتی نہیں ہے ہم لوگ بولنے کی اداکاری کرتے ہیں اصل میں ہم حقیقت کوقبول کر  لیتے ہیں 

کے وہ انسان دور چلا گیا ہے 

ورنہ عشق کسی کو بولنے دیتا ہے ؟



Urdu 2 Line Sad Poetry - Rota Dekh Kay

2 Line Urdu Sad Poetry By Shahid Buzdar. sad urdu poetry, urdu shayari, urdu poetry facebook,urdu poetry images, sad urdu poetry images, sad urdu poetry facebook.


مجھے روتے ہوئے دیکھ کر وہ ہنس ہنس کے گزری

میں دیکھتا ہی رہا جیسے مفلس گزرے بازار میں

شاہدبزدار (یتیم محبت)


2 Line Urdu Poetry Muhabbat - Faiz Ahmad Faiz

Faiz Ahmad Faiz 2 line urdu poetry, 2 lines urdu shayari, short urdu poetry, 2 line urdu shayari, 2 line poetry facebook, 2 line poetry love, sad 2 line poetry, 2line urdu poetry.


اور بھی دکھ ہیں زمانے میں محبت کے سوا 

راحتیں اور بھی ہیں وصل کی راحت کے سوا 

فیض احمد فیض


Kuch to Hawa Bhi Sard Thi - Parveen Shakir Beautiful Urdu Ghazal

Beautiful Urdu Ghazal Kuch to Hawa bhi Sard thi 
کچھ تو ہوا بھی سرد تھی کچھ تھا ترا خیال بھی 
 by Parveen Shakir 



کچھ تو ہوا بھی سرد تھی کچھ تھا ترا خیال بھی


دل کو خوشی کے ساتھ ساتھ ہوتا رہا ملال بھی

بات وہ آدھی رات کی رات وہ پورے چاند کی

چاند بھی عین چیت کا اس پہ ترا جمال بھی

سب سے نظر بچا کے وہ مجھ کو کچھ ایسے دیکھتا

ایک دفعہ تو رک گئی گردش ماہ و سال بھی

دل تو چمک سکے گا کیا پھر بھی تراش کے دیکھ لیں

شیشہ گران شہر کے ہاتھ کا یہ کمال بھی

اس کو نہ پا سکے تھے جب دل کا عجیب حال تھا

اب جو پلٹ کے دیکھیے بات تھی کچھ محال بھی

میری طلب تھا ایک شخص وہ جو نہیں ملا تو پھر

ہاتھ دعا سے یوں گرا بھول گیا سوال بھی

اس کی سخن طرازیاں میرے لیے بھی ڈھال تھیں

اس کی ہنسی میں چھپ گیا اپنے غموں کا حال بھی

گاہ قریب شاہ رگ گاہ بعید وہم و خواب

اس کی رفاقتوں میں رات ہجر بھی تھا وصال بھی

اس کے ہی بازوؤں میں اور اس کو ہی سوچتے رہے

جسم کی خواہشوں پہ تھے روح کے اور جال بھی

شام کی نا سمجھ ہوا پوچھ رہی ہے اک پتا

موج ہوائے کوئے یار کچھ تو مرا خیال بھی